مائیکروسافٹ نے ڈرون آرٹیفیشل انٹیلی جنس کے لیے سیمیولیٹر متعارف کرادیا

Now Reading:

مائیکروسافٹ نے ڈرون آرٹیفیشل انٹیلی جنس کے لیے سیمیولیٹر متعارف کرادیا

امریکی ٹیکنالوجی جائنٹ مائیکروسافٹ نے ڈرون آرٹیفیشل انٹیلی جنس کو تربیت دینے کے لیے سیمیولیٹر متعارف کرادیا ہے۔

برطانوی خبر رساں ادارے کے مطابق مائیکروسافٹ نے خود مختار ہوائی جہازوں کے مصنوعی ذہانت (AI) نظام کی تربیت کے لیے اس پلیٹ فارم کا آغاز کیا ہے۔

مائیکرو سافٹ کے گُرودیپ پال کی جانب سے جاری بیان کے مطابق پروجیکٹ ایئر سم ڈرونز کے لیے ایسا تربیتی نظام ہے جسے مختلف کمپنیاں ڈرون کو کنٹرول کرنے والے سافٹ ویئر کو تربیت دینے اور تیار کرنے کے لیے استعمال کر سکتی ہیں۔

یہ سسٹم ان جگہوں پر آزمائشی پروازوں کو ممکن بناتا ہے جو حقیقت میں بہت زیادہ خطرناک ہوں گے، جیسے کہ بجلی کی ہائی ٹینشن لائنوں کے نزدیک۔

اس حوالے سے مائیکروسافٹ کا کہنا ہے کہ اس سسٹم سے لاکھوں پروازوں کو سیکنڈوں میں نقل کیا جا سکتا ہے۔

مثال کے طور پر، کمپنیاں عملی طور پر دیکھ سکتی ہیں کہ ڈرون بارش میں کیسے پرواز کرتے ہیں یا تیز ہوائیں اس کی بیٹری کس طرح متاثر کر سکتی ہیں۔

گرودیپ پال کا مزید کہنا تھا کہ یہ سیمیولیٹر صنعتی میٹاورس کی طاقت کو ظاہر کرتا ہے۔ ایک ایسی ورچوئل دنیا جہاں لوگ کاروبار کریں، ان کی جانچ اور ان کے حل تلاش کرتے ہوئے انہیں حقیقی دنیا میں لائیں گے۔

کمپنی کا کہنا ہے ہمارا تصور مصنوعی ذہانت کو ایسی تربیت فراہم کرنا ہے جوخود مختار ہوائی گاڑیوں، ہوائی ٹیکسیوں سے لے کر ڈیلیوری کرنے والے ڈرون تک اڑانے کی اہلیت رکھتا ہوں۔

یہ سیمیولیٹر مائیکرو سافٹ نے امریکی ٹیکنالوجی جائنٹ سیٹل سافٹ ویئر کے اشتراک سے بنایا ہے، جو کہ ورچوئل پروازوں کی ایک طویل تاریخ رکھتی ہے اور رواں سال نومبر میں اپنے فلائٹ سیمیولیٹر گیمز کی چالیسویں سالگرہ منائیں گی۔

تاہم پروجیکٹ AirSim زیادہ جدید ہے۔ کمپنی نے بی بی سی کو بتایا کہ صارفین کو اب بھی اصل اوپن سورس پروجیکٹ کے کوڈ تک رسائی حاصل ہوگی، لیکن اسے آرکائیو کیا جائے گا، اور اس کے بجائے فرم اپنی کوششوں کو نئی پروڈکٹ پر مرکوز رکھے گی۔

کمپنی کا کہنا ہے کہ نیا پلیٹ فارم آؤٹ آف دی باکس خصوصیات پر مشتمل ہے اور اسے استعمال کرنے کے لیے بہت زیادہ تیکنیکی معلومات کی ضرورت بھی نہیں ہے۔

تاہم، مائیکروسافٹ کا کہنا ہے کہ اس پراجیکٹ کا مقصد ایک مفت آپشن پیش کرنا ہے، تاہم پراجیکٹ ایئر سم کی مزید معلومات اس کی ریلیز کی تاریخ کے قریب آنے پرفراہم کردی جائے گی۔

پراجیکٹ ایئر سم مائیکروسافٹ کے کلاؤڈ کمپیوٹنگ پلیٹ فارم Azure پر چلتا ہے۔